காதல் சுவடு

அன்று ,
நச் என்று இதழ் பதித்தாய் - நின்
இதழோர புன்னைகையுடன் காதலோடு !
இன்றும் ,
நச் என்று இதழ் பதிக்கிறாய் - அதில்
காதல் இல்லை ...
காமம் இல்லை ...
புரிதலும் இல்லை ..!

வேண்டும் ,
மீண்டும் ஒரு முறை - உனது
இதழச்சு .!!

ஆம் ,
தனித்திருக்கிறேன்
தவித்திருக்கிறேன்
ஏக்கங்களுடன்

மீண்டும்,
நினது - அதே
பழைய காதலின் சுவடிற்காக ..........

சொன்னது நீ தானா..!

அன்று
என் கனவுகளுக்கு
சுவை ஊட்டியவனே -எந்தன்
உயிர் நீ தானடி என்று
இன்று
என் விழிகளுக்கு
சுமை ஏற்றியவனே - ஏன்
என் உயிரை எடுக்கிறாய் என்று
இன்னும் புரியவில்லை
சொன்னது நீ தானா ..!

வலி

வார்த்தைகளால் உண்டான
வலியை எழுத்தில்
சொல்லி விடலாம் -- உன்னால்
உண்டான எண்ணத்தின்
வலியை எப்படியடா சொல்வது ..?

இதய புத்தகம்

தொலைந்த
உனது இதய புத்தகத்தில்
கிழித்தெறியப்பட்ட
பக்கமாய் நான்..!

ஏனோ

ஏனோ !
துரத்தி வந்தாய் எனை - நீ
வந்த பாதை பார்த்து - நான்
வருகையில் வெறுத்து
ஓடுகிறாய் - ஏனோ ?!...

முதற்காதல்

ஆரம்ப கால அதிசயமே
உன்னை மறக்க முடியவில்லை
நான் உன்னைப் பார்த்த பொழுது
சில சமயம் கண்களை மூடியது
பாதிக்கண்கள் திறந்து பார்த்தது
பார்த்து பரவசமானது
ஆச்சர்யப்பட்டது
காணமல் கண்களால் தேடியது
சொல்லியது சொல்லாமல் விட்டது
சொல்ல எண்ணித் தேடியது
காலம் காலமாய்
கவிதைகள் தந்தது - நான்
கற்றுக் கொண்டது ஏராளம்
மறக்க முடியவில்லை - இப்பொழுதெல்லாம்
வயது ஏறி தலை வெளுத்து
மகளுக்கு கல்யாணம் - பேரன்
பிறந்து இருக்கான் - நீங்க
வாங்க -
வரிங்களா -
வரையா - வாடா - என
எதை சொல்லலாம்
என மௌனம் காத்தது
இன்னமும்
உன்னை மறக்க முடியவில்லை ..!

படித்தவை, கேட்டவை ,
தொட்டவை, சுட்டவை,
பார்த்தவை , ரசித்தவை - என
அனைத்தும் பகிரப்படும் .

உங்களின் மனதோடு மனதாக
மனதின் மனதாக
மனதின் ரகசியங்களை
பகிர்ந்து கொள்ள எத்தனிக்கிறேன் ....
இன்று முதல் ......